មុខសញ្ញាប្រើប្រាស់គ្រឿងញៀនម្នាក់ ត្រូវនគរបាលឃាត់ខ្លួន
07-April-2018 | ដោយ ពលមនសិការ
ភ្នំពេញ ៖ ប៉ុស្តិ៍រដ្ឋបាលអូរបែកក្អម ឃាត់ខ្លួនជនសង្ស័យម្នាក់ពាក់ព័ន្ធករណីប្រើប្រាស់គ្រឿងញៀន នៅចំណុចតាមផ្លូវ២០០៤ ភូមិស្លែងរលើង សង្កាត់អូរបែកក្អម ខណ្ឌសែនសុខ កាលពីថ្ងៃទី០៦ ខែមេសា ឆ្នាំ២០១៨ វេលាម៉ោង២៣និង៣០នាទី។
លោកវរសេនីយ៍ឯក ហួរ ម៉េងវ៉ាង អធិការខណ្ឌបានឲ្យដឹងថាជនសង្ស័យឈ្មោះ តូច គឹមប៊នណារិទ្ធ ភេទប្រុស អាយុ២៥ឆ្នាំ ជនជាតិខែ្មរ មុខរបរមិនពិតប្រាកដ ស្នាក់នៅភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ។
សម្ភារៈដកហូត ៖ ម៉ូតូចំនួនមួយគ្រឿង ម៉ាកសេ១២៥ ពណ៌ខ្មៅ ផលិតឆ្នាំ២០១៨ ពាក់ស្លាកលេខភ្នំពេញ1GX-6462។
លោកអធិការបន្តថាមុនពេលចាប់ខ្លួនជនសង្ស័យខាងលើកម្លាំងល្បាតប៉ុស្តិ៍រដ្ឋបាលអូរបែកក្អម បានធ្វើការល្បាតក្នុងភូមិសាស្ត្រដល់ចំណុចកើតហេតុខាងលើ ឃើញជនសង្ស័យចំនួនម្នាក់ កំពុងជិះម៉ូតូមួយគ្រឿងតាមផ្លូវដោយមានការសង្ស័យកម្លាំងល្បាតយើង បានធ្វើការត្រួតពិនិត្យលើដងខ្លួន រួចបាននាំខ្លួនជនសង្ស័យមកធ្វើការសាកសួរ និងត្រួតពិនិត្យទឹកនោម រកសារធាតុញៀន នៅអធិការដ្ឋាននគរបាលខណ្ឌសែនសុខ។
បច្ចុប្បន្ន ជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ3351
- ម្សិលមិញ10851
- សប្តាហ៍នេះ69871
- ខែនេះ185021
- ឆ្នាំនេះ185021
- សរុប20627477